Khmer Sports

Friday, June 3, 2016

កម្ពុជា បានស្មើ ឆាយនីសតៃប៉ិ ២-២ នៅក្រៅដី

12:13 AM No comments

ក្រុមបាល់ទាត់ជម្រើសជាតិកម្ពុជាបានត្រឹមស្មើនឹងក្រុមម្ចាស់ ផ្ទះឆាយនីសតៃប៉ិ ដោយគ្រាប់បាល់ ២-២ នៅកីឡដ្ឋាន Kaohsiung ក្នុងការប្រកួតវគ្គជម្រុះបឋមពានរង្វាន់ AFC Asian Cup 2019 ជើងទី១។ ២គ្រាប់របស់កម្ពុជារកបានខ្សែ ប្រយុទ្ធ កែវ សុខផេង នៅនាទី៨ និង ឈិន ឈឿន នៅនាទី៣២ ខណៈ២គ្រាប់របស់ឆាយនីសតៃប៉ិ រកបាននៅនាទីទី៦ និង២៣។
ចំពោះការប្រកួតតង់ទីពីរ ក្រុមទាំងពីរមិនអាចស្វែងរកគ្រាប់បាល់ទម្លាយសំណាញ់ទីគ្នាបានទេ។ ក្រុមកម្ពុជាមានឱកាសនាំមុខ បន្ទាប់ពីទទួលបានបាល់ពិន័យ១១ម៉ែត្រ ប៉ុន្តែខ្សែប្រយុទ្ធ ចាន់ វឌ្ឍនាកា ស៊ុតមិនបានសម្រេច។
ការប្រកួតនេះលោកអាជ្ញាកណ្តាលបានចាយកាតលឿងជាច្រើន និងក្រហមពីរក្នុងនោះកីឡាករកម្ពុជាម្នាក់គឺ ធារី ចន្ថាបិន និងកីឡាករឆាយនីសតៃប៉ិ ម្នាក់ដែលបណ្តាលឲ្យមានសភាពតាន់តឹងបន្តិច។ ទោះបីជាយ៉ាងណា លទ្ធផលស្មើ២-២ បានធ្វើឲ្យក្រុមកម្ពុជាមានប្រៀបសម្រាប់ការប្រកួតជើងទីពីរនៅទឹកដីកម្ពុជានាថ្ងៃទី៧ ខែមិថុនា ឆ្នាំ២០១៦៕

Slide Show បង្ហាញពីការប្រកួតកម្ពុជា ប៉ះ ទីម័រ គួរឲ្យចាប់អារម្មណ៍

5:56 PM No comments

អ្នកគាំទ្រប្រមាណជិត៦ម៉ឺននាក់ពេញស្តាតអូឡាំពិកបានធ្វើឲ្យការប្រកួតបាល់ទាត់មិត្តភាពអន្តរជាតិរវាងក្រុមជម្រើសជាតិកម្ពុជា និងទីម័រខាងកើត នៅពហុកីឡដ្ឋានជាតិកាន់តែអស្ចារ្យ និងទទួលបានការចាប់អារម្មណ៍ពីបណ្តាប្រទេសនានា។ លទ្ធផលកម្ពុជាឈ្នះទីម័រខាងកើត ២-០។ តោះនាំគ្នាទស្សនាទិដ្ឋភាពអ្នកគាំទ្រ ការសម្តែង និងការប្រកួតដ៏គួរឲ្យទាក់ទាញ៕

ព្រឹកនេះ កម្ពុជា ចេញទៅឆាយនីសតៃប៉ិ សង្ឃឹមរក្សាកំណត់ត្រាឈ្នះ

5:50 PM No comments

ក្រុមបាល់ទាត់ជម្រើសជាតិកម្ពុជានឹងធ្វើដំណើរចាកចេញពីមាតុភូមិនៅម៉ោង១០ព្រឹកនេះហើយ ដើម្បីទៅប្រកួតវគ្គជម្រុះបឋមនៃពានរង្វាន់ជើងឯកទ្វីបអាស៊ី AFC Asian Cup 2019 ជាមួយក្រុមឆាយនីសតៃប៉ិ ជើងទីមួយនៅថ្ងៃទី២ ខែមិថុនា ឆ្នាំ២០១៦ខាងមុខ។

ក្រុមបាល់ទាត់ជម្រើសជាតិកម្ពុជាពេលប៉ះទីម័រ

មុនចាកចេញទៅនេះដែរ លោក Lee Tae Hoon គ្រូបង្វឹកកម្ពុជាបានបង្ហាញការតាំងចិត្តថាលោកនឹងខំប្រឹងប្រែងឱ្យអស់ពីសមត្ថភាព ដើម្បីជួយក្រុមជម្រើសជាតិទទួលបានលទ្ធផលល្អក្នុងការប្រកួតមួយនេះ។ ត្បិតតែប្រកួតក្រៅដីតែងតែពិបាកសម្រាប់កម្ពុជា ប៉ុន្តែគ្រូបង្វឹកសញ្ជាតិកូរ៉េខាងត្បូងរូបនេះមានក្ដីរំពឹងខ្ពស់ទៅលើសមត្ថភាពកូនក្រុមរបស់ខ្លួន បន្ទាប់ពីបានឃើញពួកគេបង្ហាញទម្រង់លេងទល់និងក្រុមទីម័រខាងកើតរួចមក។

លោក Lee Tae Hoon គ្រូបង្វឹកកម្ពុជា

លោក Lee បានបន្តថា សមាជិកក្រុមទាំងអស់ត្រូវលេងសហការគ្នា យល់ចិត្តគ្នា ឱ្យបានល្អបំផុតជាងប៉ះទីម័រ ព្រោះយុទ្ធសាស្ត្ររបស់លោកនៅប្រកួតជាមួយក្រុមឆាយនីសតៃប៉ិនេះ នឹងការពារឱ្យខ្លាំង ហើយវាយបកឱ្យលឿនបំផុតតាមតែអាចធ្វើទៅបាន។ ឆាយនីសតៃប៉ិជាក្រុមខ្លាំង ប៉ុន្តែលោករំពឹងថាកម្ពុជាក៏ធ្វើបានល្អដូចការរំពឹងទុកផងដែរ កាលពីឆ្នាំ២០១៤ កន្លងទៅក្នុងប្រកួតមិត្តភាព ក្រុមកម្ពុជាធ្លាប់ឈ្នះឆាយនីសតៃប៉ិ ដោយលទ្ធផល ២-០ ម្ដងហើយ នៅទឹកដីឆាយនីសតៃប៉ិ អីចឹងចាំមើលលទ្ធផលនៅថ្ងៃទី២ខាងមុខនេះវិញ ថាតើកម្ពុជានៅតែរក្សាលទ្ធផលឈ្នះនេះបានដែរឬទេ? ខណៈដែលជើងទី២ នឹងត្រូវធ្វើឡើងនៅពហុកីឡដ្ឋានជាតិម្ដង នៅថ្ងៃទី៧ខែមិថុនា ឆ្នាំ២០១៦៕

គ្រូ Lee ថាឈ្នះទីម័រ គ្រាន់តែទម្រង់សាកល្បងត្រៀមប៉ះឆាយនីសតៃប៉ិ

10:45 PM No comments

ជ័យជម្នះលើទីម័រខាងកើត ២-០ កាលពីម្សិលមិញក្នុងជំនួបមិត្តភាពនៅពហុកីឡដ្ឋានជាតិ ត្រូវបានលោក Lee Tae Hoon គ្រូបង្វឹកក្រុមជម្រើសជាតិកម្ពុជានិយាយថា គ្រាន់តែជាទម្រង់លេងសាកជើងមួយសម្រាប់ក្រុមទាំងមូលដើម្បីត្រៀមប្រកួតនិង ឆាយនីសតៃប៉ិ ប៉ុណ្ណោះ។

Lee Tae Hoon គ្រូបង្វឹកក្រុមជម្រើសជាតិ

ក្រុមកម្ពុជាបានធ្វើឱ្យអ្នកគាំទ្រសប្បាយចិត្ត ដោយបានបង្ហាញទម្រង់លេងយកឈ្នះក្រុមទីម័របាន ២-០ ដោយកីឡាករ ភួង សុខសាណា មួយគ្រាប់និង ឃួន ឡាបូរ៉ាវី មួយគ្រាប់។ ត្បិតតែយ៉ាងនេះក្ដី លោក Lee មិនទាន់សប្បាយចិត្តខ្លាំងចំពោះទម្រង់នេះទេ ដោយលោកលើកឡើងថាក្រុមកម្ពុជាគួរធ្វើឱ្យល្អជាងនេះទៅទៀតដើម្បីត្រៀមខ្លួនឱ្យរួចរាល់ពេលប៉ះក្រុមឆាយនីសតៃប៉ិ។

“កីឡាករអត់ទាន់មានកម្លាំងល្អពេញលេញទេ ដោយសារសម្រាកច្រើនពេក។ យើងនឹងហ្វឹកហាត់បន្ថែមទៀត។ ក្រុមឆាយនីសតៃប៉ិ ប៉ុន្មានឆ្នាំមកនេះមានការរីកចំរើនច្រើន ហើយអាចនិយាយបានថាខ្លាំងជាងទីម័រខាងកើត មួយទៀតទៅលេងនៅក្រៅដីតែងតែជារឿងពិបាកមួយ”។ សម្ដីគ្រូ Lee Tae Hoon ។

កម្ពុជា ឈ្នះ ទីម័រខាងកើត ២-០

10:30 PM No comments

ក្រុមបាល់ទាត់ជម្រើសជាតិកម្ពុជាទទួលបានជ័យជម្នះលើក្រុមទីម័រខាងកើតដោយលទ្ធផល ២-០ សម្រាប់ការប្រកួតមិត្តភាពអន្តរជាតិនៅពហុកីឡដ្ឋានជាតិនាថ្ងៃអាទិត្យ ទី២៩ ឧសភា នេះនៅពហុកីឡដ្ឋានជាតិដែលមានអ្នកទស្សនាពេញអូឡាំពិកដែលយ៉ាងហោចណាស់៦ម៉ឺននាក់ដែរ។ ការប្រកួតមិត្តភាពនេះសម្តេចតេជោ ហ៊ុន សែន ឧបត្ថម្ភទឹកប្រាក់ចំនួន៣៤០០០ដុល្លារដល់ក្រុមបាល់ទាត់ និងក្រុមគ្រូបង្វឹកកម្ពុជា។

កម្ពុជា (ខៀវ) vs ទីម័រខាងកើត (លឿង)

ក្រុមបាល់ទាត់ជម្រើសជាតិកម្ពុជាបាននាំមុខក្រុមជម្រើសជាតិទីម័រខាងកើតក្នុងលទ្ធផល១-០ សម្រាប់ការចប់តង់ទីមួយដោយការស៊ុតបានចម្រេចដោយខ្សែបម្រើ ភួង សុខសាណា នៅនាទីទី១១។ ការប្រកួតតង់ទីមួយ កម្ពុជាបង្ហាញទម្រង់លេងល្អ និងមានឱកាសច្រើនជាងទីម័រខាងកើត។ ចប់តង់ទីមួយកម្ពុជានាំមុខទីម័រ ១-០។

ចំពោះការប្រកួតតង់ទីពីរកម្ពុជានៅតែបង្ហាញទម្រង់លេងល្អ និងវាយសម្រុកដដែល បន្ទាប់ពីដូរតារាឆ្នើម ចាន់ វឌ្ឍនាកាចូល។ គ្រាន់តែដូរចូលភ្លាមខ្សែប្រយុទ្ធមកពីបឹងកេតអង្គរនេះបញ្ជូនបាល់ឲ្យប្រធានក្រុម ឃួន ឡាបូរ៉ាវី តែតចូលបានសម្រេចឲ្យកម្ពុជានាំមុខ ២-០ ត្រឹមនាទីទី៤៨។ លទ្ធផល២-០ នេះនៅរក្សារហូតដល់ចប់ការប្រកួត។

សម្រាប់ការប្រកួតមិត្តភាពអន្តរជាតិរបស់ក្រុមបាល់ទាត់ជម្រើសជាតិកម្ពុជានេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណា ចក្រកម្ពុជាបានឧបត្ថម្ភទឹកប្រាក់ចំនួន៣៤ពាន់ដុល្លារអាមេរិកដែលមានន័យថា ក្រុមជម្រើសជាតិកម្ពុជា និងក្រុមគ្រួបង្វឹកទទួលបានម្នាក់ៗ១ពាន់ដុល្លារអាមេរិក៕

Real Madrid ឈ្នះពាន UEFA Champions League ជាលើកទី១១

8:41 PM No comments

តាំងពីវេលាម៉ោង ១:៤៥ នាទីរំលងអាធ្រាត្ររហូតដល់ម៉ោងជិត៥ភ្លឺទើបរកឃើញជើងពានរង្វាន់ធំបំផុតនៅអឺរ៉ុប UEFA Champions League វគ្គផ្ដាច់ព្រ័ត្រ ដោយធ្លាក់ទៅក្រុម Real Madrid បន្ទាប់ពីឈ្នះក្នុងការប៉េណាល់ទីនឹង Atletico Madrid ដោយលទ្ធផល ៥-៣។
ការប្រកួត៩០នាទីត្រូវបានបញ្ចប់ដោយលទ្ធផល១-១ ប៉ុណ្ណោះដោយខ្សែការពារឆ្នើម Sergio Ramos រកគ្រាប់បាល់បានឲ្យ Real Madrid នាំមុខមុនតាំងពីនាទី១៥នៃតង់ទីមួយ ប៉ុន្តែការវាយបកវិញរបស់ Atletico Madrid ពិតជាមិនអត់ផលឡើយ។ នៅនាទី៤៨ដើមតង់ទីពីរ At Madrid ទទួលបានបាល់ពិន័យ១១ម៉ែត្រ ប៉ុន្តែខ្សែប្រយុទ្ធ Antoine Griezmann ធ្វើមិនបានសម្រេច។ យ៉ាងណា At Madrid នៅតែរកគ្រាប់បាល់តាមស្មើ១ -១ ដោយ Yannick Ferreira-Carrasco នៅនាទីទី៧៩។ ការបន្ថែមម៉ោង១៥នាទីពីរដង ក៏ក្រុមទាំងពីរមិនអាចរកគ្រាប់បាល់ជ័យជម្នះ។

ទីបំផុត ក្រុមទាំងពីរទាត់បាល់ប៉េណាល់ទីដើម្បីកាត់សេចក្តីរកអ្នកឈ្នះ ហើយ Real Madrid ឈ្នះដោយលទ្ធផល ៥-៣៕

Khmer Sports

This is default featured slide 1 title

This is default featured slide 2 title

This is default featured slide 3 title

This is default featured slide 4 title

This is default featured slide 5 title

Friday, June 3, 2016

កម្ពុជា បានស្មើ ឆាយនីសតៃប៉ិ ២-២ នៅក្រៅដី

Monday, May 30, 2016

Slide Show បង្ហាញពីការប្រកួតកម្ពុជា ប៉ះ ទីម័រ គួរឲ្យចាប់អារម្មណ៍

ព្រឹកនេះ កម្ពុជា ចេញទៅឆាយនីសតៃប៉ិ សង្ឃឹមរក្សាកំណត់ត្រាឈ្នះ

Sunday, May 29, 2016

គ្រូ Lee ថាឈ្នះទីម័រ គ្រាន់តែទម្រង់សាកល្បងត្រៀមប៉ះឆាយនីសតៃប៉ិ

កម្ពុជា ឈ្នះ ទីម័រខាងកើត ២-០

Saturday, May 28, 2016

Real Madrid ឈ្នះពាន UEFA Champions League ជាលើកទី១១

About Me

Blog Archive

Blog Archive

Blogger templates

Blogger news

Blogroll

About

Friday, June 3, 2016

Monday, May 30, 2016

Sunday, May 29, 2016

Saturday, May 28, 2016

Social Profiles

About Me

Blog Archive

Blog Archive

Blogger templates

Blogger news

Blogroll

About